Аймгийн Онцгой Комиссын 8 дугаар хуралдаан өчигдөр боллоо. Хуралдаанаар 2022 онд гамшиг осол, аюулт үзэгдлээс урьдчилан сэргийлэх чиглэлээр зохион байгуулсан арга хэмжээ, дуудлага мэдээллээр ажилласан байдал, өвөлжилтийн бэлтгэл ажил, малын шилжилт хөдөлгөөн, отор нүүдэл цаашид авч хэрэгжүүлэх арга хэмжээ, коронавируст халдвар /ковид-19/ болон томуу, томуу төст өвчний нөхцөл байдал, эрүүл мэндийн байгууллагын бэлтгэл, бэлэн байдал, отрын малчин өрхийн эрүүл мэндийн тусламж үйлчилгээний талаар, мал амьтны гоц халдварт өвчнөөс урьдчилан сэргийлэх, дархлаажуулалтын арга хэмжээний талаар хэлэлцлээ.
Цаг үеийн нөхцөл байдал, хэлэлцсэн асуудалтай холбоотой аймгийн Засаг дарга, Онцгой комиссын дарга А.Ишдорж үүрэг чиглэл өглөө.
